Lopo de Troyes,

san (s IV - 479) Bispo e mártir. Entrou como frade no convento de Lerins, acollido por san Honorato. Elixido bispo de Troyes (427), acompañou a san Xermán a Inglaterra para combater a herexía de Pelaxio e, de volta a Troyes, salvou a cidade da furia dos hunos de Atila (451). Na iconografía viste de pontifical e leva os atributos propios dos bispos (báculo e mitra). A súa festividade celébrase o 29 de xullo.