Lublin

Capital do voivodato de Lubelskie, Polonia (355.803 h [estim 2000]), situada entre o Vístula e o Bug, preto de Bystrzyca, pequeno afluente do Wieprz. É o centro industrial máis importante do sector oriental do país. Ten industria de avións, maquinaria agrícola, e industrias téxtiles e alimentarias. Fundada no s X, en 1569 foi proclamada alí a unión do Principado de Lituania co Reino de Polonia. No reparto de 1795 pasou a Austria, posteriormente formou parte do ducado de Varsovia e de 1815 a 1819 pertenceu a Rusia. Destaca o castelo, que domina a cidade.