Lugo Agrario

Publicación editada en Lugo a partir do 20 de xuño de 1922 ata 1924. De periodicidade quincenal, apareceu baixo o subtítulo “Boletín de la Federación Católico-Agraria de Lugo” e distribuíuse pola diocese de Lugo. Dirixida por Xulio Pérez de Guerra, foi un boletín de tendencia clerical que incluíu información da federación e noticias agrarias. Imprimiuse nos obradoiros tipográficos de La Voz de la Verdad, en Lugo.