luís

Moeda francesa de prata e de ouro cuñada a partir do s XVII.

Moeda francesa cuñada polos monarcas da casa de Borbón, desde Luís XIII ata Luís XVI, para substituír a moeda de dous escudos. Realizado en ouro de 22 quilates tivo 23 emisións entre 1640 e 1791. O peso oscilou entre 6.10 e 9.95 g de máximo e tamén a súa equivalencia en libras tornesas, entre 10 e 24.

Moeda francesa de prata cuñada desde 1640 ata a Revolución Francesa, cando se substituíu pola peza de cinco francos. O seu valor inicial era de 60 soldos pero existiron tamén luíses de prata de 30, 15 e 5 soldos.