Madras Madrās

Capital do estado de Tamil Nadū, India (4.216.268 h [2001]). Está situada na costa de Coromandel (golfo de Bengala), ao N do río Adyar. É un centro de comercio de pel e un importante núcleo industrial, con refinería de petróleo, industria do aluminio, de material ferroviario, téxtil, química e do cemento. Factoría da Compañía da India Oriental (1639), foi asediada polas tropas do gran mogol en 1702 e 1714. Ocupada polos franceses en 1746, Reino Unido recuperouna polo Tratado de Aquisgrán (1748) e conservouna ata a fin do seu dominio sobre India.