Manín, San Salvador de

Igrexa parroquial situada en Lobios. Na súa orixe estivo en Aceredo, na parroquia de Manín. Non obstante , a causa da construción dun encoro, foi trasladada ata o lugar de Compostela, na mesma parroquia. Puido ser mandada facer polo abade Manuel de la Llana cara a 1764, en estilo barroco. Ten planta de cruz latina e presenta unha torre de planta cadrada na fachada, que forma un pórtico sostido por dúas columnas. Cómpre destacar o retablo, con escultura en relevo, e o sagrario con diversas imaxes de santos.