martabela

1. s f

   Especie de carraca formada por unha aspa colocada sobre un pao, que se emprega para espantar os paxaros co ruído que fai ao xirar coa forza do vento.

   Ex: A martabela parece que xa non asusta os paxaros.

   Sinónimos: andavía.
2. s f

   Pecho, xeralmente de madeira, que consiste nunha peza que xira sobre unha punta cravada na súa parte central e que serve para pechar por dentro portas ou ventás.

   Ex: Cando marches ponlle a martabela á porta.

   Sinónimos: caravilla.
3. s f

   Persoa que fala moito e con pouco tino.

   Ex: É unha martabela, sempre ten que dicir algo.

Frases feitas

• Darlle á martabela. Falar de seguido, sen parar.