Martin, Archer John Porter

Bioquímico. Traballou no Instituto Nacional de Investigacións Médicas Mill Hill da Royal Society, na Universidade de Cambridge, no Consello Británico de Investigacións Médicas e nos Laboratorios Abbotsbury onde foi director (1959-1970). En colaboración con Richard L. Synge, desenvolveu a cromatografía de reparto e en colaboración con A. T. James, perfeccionou a cromatografía de gases. En 1952 recibiu, xunto con R. L. Synge, o Premio Nobel de Química por desenvolver diversas técnicas de cromatografía gas-líquido, así como o método de cromatografía de reparto, aplicable a todas as áreas da investigación bioquímica.

Cronoloxía