Maura i Montaner, Antoni

Político. Foi deputado liberal por Mallorca en 1881, co apoio do goberno liberal e dos sectores conservador e católico da illa. Como ministro de Ultramar (1892-1894) proxectou unha serie de reformas administrativas para Cuba e Filipinas nas que concedía unha certa autonomía para contrarrestar a insurrección, pero a protesta das Cortes obrigouno a dimitir. Ministro de Gracia e Xusticia (1894-1895) e da Gobernación (1902-1903), desde este cargo permitiu o triunfo electoral dos republicanos nas grandes cidades, asinou a constitución do Instituto de Reformas Sociais e lanzou o proxecto de reforma da administración local. Líder do Partido Conservador desde novembro de 1903, presidiu o goberno entre decembro de 1903 e decembro de 1904. No período 1907-1909 volveu á presidencia e conseguiu a aprobación do proxecto de reconstrución naval (1908), ao tempo que apoiou o caciquismo electoral e tentou impoñer unha lei especial contra o terrorismo. A extensión da oposición republicana despois dos feitos da Semana Tráxica (1909), apoiada polos liberais, forzouno a permanecer lonxe do poder. A ascensión ao poder de Dato Iradier dividiu o seu partido e converteu o maurismo nunha forza política disidente, ata que durante a crise política do réxime volveu ao poder, en gobernos de concentración, entre marzo e novembro de 1918, abril e xullo de 1919 e agosto de 1921 e marzo de 1922. Posteriormente condenou a Ditadura de Primo de Rivera e pronunciouse a favor dunha reforma constitucional.

Cronoloxía