medio -dia

1. adx

   Que é equivalente á metade de algo.

   Ex: Comeu media barra de pan.

2. adx [MAT]

   Que está igualmente lonxe dos dous extremos de algo en situación, magnitude, calidade, grao ou valor, ou entre dúas partes ou cousas determinadas nunha sucesión.

   Ex: Obtivo o punto medio dun segmento. A profundidade máis grande atópase no curso medio do río.

3. adx

   Que resulta de facer unha media.

   Ex: A túa nota media non chega a notable.

4. adx

   Que é imperfecto ou incompleto.

   Ex: Saudounos cun medio sorriso.

5. adx

   Que se corresponde cos caracteres máis comúns dun grupo ou clase.

   Ex: Considérase un español medio.

6. adx

   Que é de mediana calidade.

   Ex: Comprou un coche de tipo medio.

7. adx [LING]

   1. Que se articula entre a parte anterior e a posterior da cavidade bucal. Así é vogal media o a con respecto ás extremas i e u.

   2. Que ten o grao de abertura intermedio entre o das vocais pechadas e o das abertas.

8. adx [ANTROP/FISIO]

   Aplícase ao individuo que ten o índice facial superior entre 48 e 52,9, polo que a súa cara é media.

9. adx [DEP]

   Aplícase a unha categoría de certos deportes de combate que vén marcada polo peso dos loitadores. Así, en boxeo comprende entre os 60-75 kg e en full-contact entre 65 e 72 kg.

10. adx

    Gran cantidade de algo.

    Ex: Medio mundo morre de fame.

11. 1. s m

       Punto ou momento situado entre dous extremos.

       Ex: Cortou a tea polo medio. Chegou no medio da noite pedindo axuda.

       Sinónimos: metade.
    2. medio interplanetario [ASTRON]

       Parte do sistema solar situada entre os planetas.

    3. medio interestelar [ASTRON]

       materia inter-estelar.

12. s m [ECOL]

    Conxunto de condicións ambientais que constitúen o marco en que se desenvolve a existencia dun ser vivo ou dunha comunidade. Comprende todos os factores que inflúen no desenvolvemento dun organismo, exceptuando o factor xenético. Os organismos presentan un grao elevado de adaptación a calquera medio. O estudo dos diferentes medios biolóxicos e das relacións entre estes e os organismos é o obxecto dunha rama da ecoloxía chamada autoecoloxía. Os medios máis típicos son o terrestre e o acuático. No medio terrestre os seus ecosistemas son determinados polo clima, o substrato e as interaccións entre as poboacións. O medio acuático é o conxunto de condicións que se dan nos ríos, nos lagos, etc, e pode estar dividido en medio mariño e medio dulciacuícola. O medio mariño presenta factores que actúan de xeito diferente sobre os organismos que habitan nel e fan que estes se adapten. As plantas e os animais do medio mariño constitúen tres grupos principais: o bentos, o plancto e o necton. O medio mariño foi moi estudado polos oceanógrafos (oceanografía). A industrialización favoreceu a contaminación do medio, o que afecta á supervivencia de moitas especies. Moitos ecólogos estudian esta cuestión e tentan procurarlle solucións, como a creación de grandes reservas naturais con especies vexetais e animais, a regulación radical do consumo de enerxía con efectos contaminantes, a procura de especies indicadoras de contaminación, etc. OBS: Tamén se denomina ambiente ou medio natural.

13. s m

    Ambiente en que se move e actúa unha persoa.

    Ex: Procede de medios aristocráticos.

14. s m

    Aquilo que serve para chegar a un fin.

    Ex: Que medios empregou para conseguilo?

15. 1. s m [FÍS]

       Substancia a través da que actúa unha forza, se transmite un efecto.

    2. s m

       Elemento ou substancia que envolve unha cousa.

       Ex: O aire é o medio en que vivimos.

    3. medio de contraste [MED]

       substancia de contraste.

    4. medio de cultivo [MICROB]

       Substrato que se emprega para facer crecer e multiplicar organismos vivos, especialmente microorganismos. A procura de medios de cultivo baséase na necesidade de conseguir, no laboratorio, a conservación e a reprodución de moitos microorganismos.

    5. medio interno [FISIOL]

       Conxunto de líquidos extracelulares que envolven as células dun organismo sen comunicación co exterior. No home comprende o plasma intersticial, o sangue e a linfa. Serve para o intercambio enerxético e material do organismo co medio externo e ten unha relativa constancia homeostática.

    6. medio selectivo [MICROB]

       Medio que permite separar especies ou estirpes bacterianas dunha inoculación, mediante a aplicación das técnicas do illamento directo ou do cultivo de enriquecemento.

16. 1. s m

       Recipiente de madeira para conter viño cunha capacidade de tres moios, que pode variar segundo as zonas.

    2. media cántara

       Recipiente con capacidade para oito litros.

17. s m [MAT]

    Fracción que ten por denominador o número 2. Represéntase como 1/2 e lese ‘un medio de’.

18. s [DEP]

    mediocampista.

19. s m pl

    Recursos económicos.

    Ex: Os medios cos que conta non son suficientes.

20. adv

    Non de todo.

    Ex: É medio rubia.

21. medio bocel [ARTE]

    Moldura convexa que ten por sección un semicírculo.

22. medio de comunicación [COMUN]

    Cada un dos órganos como a prensa, a radio e a televisión que se encargan de difundir información ao público.

Frases feitas

• No medio/Polo medio e medio 1 Na metade ou pola metade.

• 2 Que está estorbando.

• Por medio de. A través de.

Refráns

• A galiña na casa rica sempre pica.
• Agulla e fío é medio vestido.
• As teña eu para voar, que o cibo non ha faltar.
• Cada me niño ao nacer trae un pan baixo do brazo.
• Cada pobre enterra o seu pai como pode.
• Cada un estende a manta seguendo é a cama.
• Con bo pano e bo xastre faise un bo traxe.
• Con nada non se fai nada.
• Dá Deus ás á formiga para morrer máis axiña.
• Dá Deus de comer a quen non ten dentes.
• Dá Deus fabas ao que non ten queixadas.
• Dá Deus mocos ao que non se sona.
• Dá Deus panos ao que non ten narices.
• Dá Deus que roer ao que lle faltan moas e dentes.
• Dá Deus talladas ao que non ten dentamia.
• Dáme quilla" e dareiche millas.
• Enriba dun ovo pon unha galiña.
• Fun á casa do meu veciño e avergonceime, vin á miña e goberneime.
• Haxa carne para comer, que fame non ha de faltar.
• Mal camiño non vai a bo lugar.
• Mal vai a barca sen remos cando o mar non está quedo.
• No tear déixemo Deus poñer, que, inda que sexa o diaño, hao tecer.
• O mellor danzante tópase ás veces sen castañolas.
• O que non pode, cos dentes acode.
• O que ten boca, sopra.
• O que teña ás para voar, logo atopará un pombal.
• Onde hai cepos logo se fan achas.
• Palleiro sen palla non se pode facer.
• Pedra sen auga non aguza na frágoa.
• Polo rabo da culler vai o gato á ola.
• Por bo camiño vaise a mal lugar.
• Por mal camiño vaise a bo lugar.
• Por todas partes se vai á miña casa.
• Por todas partes vaise a Roma.
• Se Deus me pon onde o hai, xa arranxarei eu o demais.
• Se queres ter ovos, mantén a galiña.
• Tendo liilgua e que comer, o home vai a onde quer.
• Tendo lingua e que comer vai o home a onde quer.
• Tres cousas pediría, se Deus mas dese: a tea, o tear e a que tece.
• Vai a carto a vaca, pero o que non ten un carto non a cata.
• Vive como poi das e non como queiras.
• ¡Benia os meus bens que remedian os meus males!
• ¡Deus dea que comer, que as ganas elas virán!
• ¿Por que non casas, Xan? -Porque vai moi caro o pan.