meninxite

Inflamación das meninxes, especialmente da piamáter e da aracnoide, caso en que é denominada leptomeninxite.

Meninxite que se caracteriza polo feito de presentar un líquido cefalorraquídeo claro, con pleocitose de predominio linfático, aumento de proteínas, glicosa normal e cultivo de bacterias negativo. Case sempre é de etioloxía vírica.

Meninxite provocada pola invasión das meninxes por células tumorais malignas provenientes de calquera outra estrutura do organismo.

Meninxite que evoluciona con líquido cefalorraquídeo purulento, cunha intensa pleocitose de predominio polinuclear. Os xermes máis frecuentes son os meningococos, os pneumococos e Hemophilus influenzae. A máis importante é a meninxite cerebroespiñal epidémica, producida polos meningococos.

Meninxite que se produce polo bacilo de Koch.