mérito

1. s m

   Aquilo que fai digno de recompensa ou de estima a algo ou a alguén.

   Ex: Ascendérono debido aos seus méritos.

   Antónimos: demérito.
2. s m

   Conxunto de calidades que fan digno de estima e consideración a algo ou a alguén.

   Ex: Ten moito mérito o que fixo por vós. OBS: Tamen se emprega co mesmo significado na construción de mérito. Ex: A decisión que tomou realmente foi de mérito.

3. s m [RELIX]

   Calidade das obras do home que son xustificadas pola graza e realizadas libremente. Este concepto está implícito no Novo Testamento, en que se afirma que o Deus xusto dá a vida eterna en virtude do merecemento das boas obras. A Reforma, máis atenta á gratuidade da graza, só lle recoñece mérito á obra redentora de Xesús Cristo.

4. méritos do proceso [DER]

   Conxunto de probas e razóns que lle serven ao xuíz para ditar a resolución dun conflito.

Frases feitas

• Facer méritos. Facer algo para lograr estima ou aprecio.

Refráns

• En terra de cegos o torto é un rei.
• Non é porque asubías, senón porque asubiaches.