meta

(< lat meta)

s f [HIST]
Cada un dos piares ou fitas que, na antiga Roma, se situaban a ambos os dous lados do circo e que servían para sinalar o punto en que tiñan que xirar as cuadrigas nunha carreira.
[DEP]
1. s f
  Liña ou zona sinalada como fin dunha carreira que contén elementos sinaladores, instalacións para os cronometradores e xuíces e, a miúdo, aparatos electrónicos de cronometraxe e rexistro das chegadas.
  
  Ex: Só lle falta unha volta para chegar á meta.
  Sinónimos: chegada.
2. s f
  Zona do campo, delimitada por tres paus, en que se deben meter os goles nalgúns deportes.
  
  Ex: Os xogadores meteron un gol en propia meta.
  Sinónimos: portaría.
3. meta voante
  Meta intermedia en que non se detén a carreira, e que conta para unha determinada clasificación, nunha proba ciclista.
s f
Fin que se quere conseguir.

Ex: A súa meta é chegar a ser director da empresa.

Palabras veciñas