Metge, Bernat

Escritor. En 1375 pasou ao servizo do duque de Girona, o futuro Xoán I, do que foi escribán e secretario, e de Martín o Humano. En 1395 viaxou á corte pontificia de Aviñón en misión diplomática, o que aproveitou para mellorar a súa formación literaria e coñecer a obra de Petrarca en profundidade. Considerado como un dos grandes prosistas cataláns, a súa literatura caracterizouse por un fino cinismo e sarcasmo e unha mentalidade moi moderna. Das súas obras destacan a obra alegórica Llibre de Fortuna e Prudència (1381), a tradución de Valter e Griselda (1388?) e Lo somni (1399), a súa obra mestra, redactada pouco tempo despois de saír da cadea.

Cronoloxía