Moreau, Gustave

Pintor. Desde 1892 foi profesor na École de Beaux Arts, onde formou os futuros fauvistas. A súa obra estivo influída por E. Delacroix e T. Chassériau, así como polos catrocentistas durante a súa estadía en Italia (1857-1859). Cultivou o simbolismo cuns elementos comúns na súa pintura, como o tema mitolóxico, a morbideza, os escenarios exóticos con decoracións luxosas, a inmobilización dos personaxes segundo o principio que chamou bela inercia, o andróxeno e, na figura feminina, a perfidia. As acuarelas que fixo como preparación para as súas pinturas son tecnicamente moi avanzadas, nun estilo xa tachista. A súa obra influíu moito sobre un simbolismo literario e sobre o surrealismo. Da súa obra destacan Les prétendants (1853), Orfeo (1866), Salomé tatouée (1876), l’Apparition (1876) e Jupiter et Sémélé (1896).

Cronoloxía