Morente Cotelo, Enrique

Cantaor flamenco. Desde moi novo desenvolveu o seu labor en diversos escenarios de Andalucía e Madrid. Cunha personalidade e estilo propios, unida a unha ortodoxia no cante, nas súas gravacións integra textos poéticos dos principais autores españois, introduce o flamenco na música sinfónica e litúrxica, no teatro clásico e no ballet, e fusiona o flamenco co jazz e o rock. Colaborou con Paco Cortés, Manolo e Isidoro Sanlúcar, Enrique de Melchor e, sobre todo, con Pepe Habichuela. Da súa discografía destacan Cante flamenco (1967), Esencias (1988), Misa Flamenca (1991), Omega (1996), Morente-Lorca (1998) e El pequeño reloj (2003). Recibiu o Premio Nacional de Música (1994) e o Galardón de Honor dos Premios de la Música (1998).

Cronoloxía