morfismo

Aplicación f entre dous conxuntos A e B dotados de estrutura alxébrica, que preserva as operacións no sentido que operar dos elementos do conxunto A e buscar a imaxe do resultante coincide coa forma de operar as respectivas imaxes. No caso de que un morfismo sexa inxectivo, exhaustivo ou bixectivo (aplicación 3), denomínase, respectivamente, monomorfismo, epimorfismo ou isomorfismo. Doutra banda, un morfismo entre un conxunto e el mesmo chámase endomorfismo. Os morfismos entre espazos vectoriais tamén reciben o nome de aplicacións lineais.