Munkácsi, Márton

Fotógrafo húngaro. As súas imaxes conxugaban a fotografía deportiva, o xornalismo fotográfico, a moda e a busca da plástica pura, procurando o movemento, os ángulos dramáticos, os picados e os contrapicados. Traballou para o xornal deportivo AZ Est (1921) e para numerosas publicacións en Berlín, como Berliner Illustrierte Zeitung, Die Dame ou Koralle. Exiliado en EE UU (1934), traballou para Harper’s Bazaar e foi o inspirador de Richard Avedon. Publicou a súa autobiografía Fool’s Apprentice (1945) e todas as súas exposicións foron póstumas.

Cronoloxía