múrido -da

Relativo ou pertencente aos múridos.

Mamífero da familia dos múridos.

Familia de mamíferos, da orde dos roedores, que son de dimensións medianas ou pequenas e teñen o fociño agudo, o labio inferior afundido, os arcos cigomáticos pequenos, ampolas timpánicas pouco desenvolvidas, agás nos xerbilinos, e a cola pouco pilosa e xeralmente longa e escamosa. Viven en hábitats moi variados e atópanse practicamente en todo o mundo. A esta familia pertencen as ratas e os ratos.