Naxos

Illa grega do Mar Exeo, a máis grande do arquipélago das Cícladas (415 km²; 18.500 h [estim 1980]). A súa economía baséase nos cultivos de viñas, no viño branco, oliveiras, cítricos e figos. Tamén destaca o mármore. A cidade máis importante é Naxos. Foi a máis prepotente das Cícladas ata que no s VI a C o goberno aristocrático foi substituído por unha tiranía sostida por Pisístrato. Foi motivo de discordia entre atenienses e persas e desde 478 a 404 a C adheriuse á Liga Délico-ática. Conquistada polos romanos tras o dominio macedonio, en 132 a C incluíuse na provincia de Asia. Na Idade Media foi dominio indirecto de Venecia (ducado de Naxos), ocupárona os turcos (1566-1574) e en 1832 foi devolta a Grecia.