neurose

Afección mental que se caracteriza por desordes funcionais, que non exclúen unha posible orixe orgánica. A neurose considérase como unha desorde leve da personalidade sen desorganización grave da conduta e o seu síntoma xeral máis importante é a angustia. Á inversa do que ocorre nas psicoses, os síntomas no neurótico poden non representar unha mudanza radical na interpretación do mundo exterior. As máis importantes son as de angustia, as histéricas de conversión, as histéricas disociativas, as fobias e as neuroses obsesivo-compulsivas. OBS: Tamén se denomina psiconeurose.