nivel

Grao de elevación dunha liña, dunha superficie dun fluído ou dun plano con respecto a outro horizontal e paralelo.

Concepto físico ideado por N. Bohr para explicar o espectro de emisión do átomo de hidróxeno. Consiste en atribuírlles ás partículas elementais ligadas a un sistema atómico ou nuclear uns estados enerxéticos que caractericen o seu comportamento cando hai intercambios de enerxía co exterior do sistema.

aloración de circulación dunha vía nun momento determinado cuxo principal criterio de valoración é o tempo necesario para percorrer un tramo determinado.

Cada unha das capas do espazo aéreo, separadas entre elas 100 pés e referidas á presión atmosférica estándar, polas que se realiza a circulación aérea.

Zona da codia terrestre que, polas súas condicións xeolóxicas, presenta un tipo de deformación diferente das zonas inferior e superior.

Altura que, ao perforar un pozo sobre o xacemento dun fluído, acada o fluído no pozo sen ningunha axuda exterior.

Nivel virtual de auga subterránea. Se se trata dun acuífero libre, este nivel coincide co do manto freático; e se é cativo, o nivel é o do punto máis alto e, polo tanto, se se fura o manto cativo, a auga empuxa ata acadar este nivel virtual, que pode situarse por riba da topografía (pozo artesiano).

Cada un dos elos dunha cadea alimentaria. O nivel produtor do ecosistema son as plantas verdes; os outros niveis (herbívoros e carnívoros) son consumidores.

Grao de desenvolvemento ou de calidade dunha cousa respecto dun punto de referencia.

ariedade de lingua que é característica dun estrato social, dunha determinada especialización ou dun grao de formalidade concreto. A teoría do rexistro puxo de relevo a inadecuación deste termo que procede da lingüística francesa, polo feito de que presenta como nunha mesma gradación unidimensional variedades que son dialectos sociais propios dun grupo, como é o caso do caló e das variedades de carácter funcional, que son froito da influencia de factores situacionais diversos.

Índice representativo da variación dos prezos respecto aos dun ano que se toma como base na economía dun país. As variacións do nivel de prezos dentro dun período de tempo e nun mercado determinado denomínase inflación, cando se eleva, e deflación cando diminúe.

Cantidade de bens e servizos que, desde un punto de vista histórico, se consideran como o mínimo necesario para o sostemento e a reprodución da forza de traballo. Segundo os autores clásicos, a consideración de que a parte de produto que lle correspondía á retribución do traballo dependía directamente do nivel de subsistencia en cada momento histórico, atópase na base de todas as súas argumentacións.

Cantidade de bens e servizos que se poden adquirir coa renda media dun grupo ou dunha clase social determinados. Os elementos que a miúdo se poñen en relación para definilo son, por unha banda, os monetarios e, pola outra, elementos non monetarios para evitar a incidencia variante da evolución dos prezos dos diferentes produtos. Entre os índices deste segundo tipo os máis empregados son o número de calorías consumidas por persoa e día, o número de kW, o índice de mortalidade infantil, o número de prazas escolares e o número de vehículos.

Grao de capacidade e funcionamento intelectual que amosa o desenvolvemento cuantitativo e cualitativo da intelixencia. Un nivel mental equilibrado comporta unha evolución paralela entre o crecemento fisiolóxico e o intelectual, e depende de factores constitucionais, socioeconómicos e culturais.

Grao de intensidade ou de potencia dunha magnitude.

Expresión do valor dunha magnitude variable (tensión, corrente ou potencia) con relación a un valor de referencia fixado arbitrariamente, que adoita expresarse en dB ou en Np.

Intensidade da sensación dun son que se mide en fons.