Nogueira de Miño, Santa María de

Igrexa parroquial situada en Chantada. Realizada en estilo románico na segunda metade do s XII, sufriu reformas na torre e na fachada durante o s XVIII. Ten nave rectangular, ábsida cadrada con arco triunfal de medio punto e bóveda de canón, e cuberta de tella a dúas augas. A fachada, barroca aínda que cun rosetón románico, está estruturada en tres corpos verticais separados por pilastras. A torre, composta por tres corpos, é cadrada.