nomós*

División administrativa no antigo Exipto. A súa existencia documéntase desde a Prehistoria ata finais da época faraónica. Na fase histórica continuou tendo un papel importante pese ao reducido do seu territorio, que comprendía unha serie de núcleos habitados ademais da capital, onde radicaban o templo da divindade principal da provincia e os servizos administrativos centrais, presididos polo nomarca. Desde o final das dinastías VI a XII tiveron un papel máis relevante, especialmente durante o Primeiro Período Intermedio. Foron unidades autónomas durante boa parte da historia faraónica e tenderon a independizarse conforme se debilitaba o poder da coroa.

División administrativa de primeira orde de Grecia.