Nosa Voz, A

Revista publicada en Bruxelas a partir de 1986. Subtitulada “Voceiro do Centro Galego de Bruxelas”, editouna esta agrupación e tivo como director a Miguel Palomo López. Saíu publicada cada dous meses con resumos en francés dos artigos máis importantes. En 1990 foi distinguida co premio “Galeguidade no mundo” no apartado das publicacións periódicas. Desde 1995 integrouse en El Sol de Bélgica: La revista en español de la capital europea.