nota

1. s f

   Sinal ou marca escrita que se pon sobre algunha cousa para distinguila.

   Ex: Púxenche unha nota para que souberas ata onde che imprimín o traballo.

2. 1. s f

      Indicación que se pon nun documento como aclaración, explicación ou comentario para advertir o lector que consulte a anotación correspondente que, encabezada por un signo idéntico, atopará á marxe, ao pé da páxina ou á fin da obra ou de cada unha das súas divisións.

      Ex: A nota ao pé do escrito aclaraba perfectamente o significado daquela expresión.

   2. nota marxinal

      Nota escrita ou impresa nas marxes laterais dun libro.

3. s f

   Breve comunicación escrita.

   Ex: Deixeille unha nota avisándoa de que a chamaras.

4. s f

   Anotación esquemática daquilo que se le, escoita ou observa.

   Ex: O alumno tomou nota das posibles preguntas do exame.

5. s f

   1. Cualificación que se dá por un exame ou avaliación.

      Ex: A nota do segundo exame impediulle aprobar.

      Sinónimos: puntuación.

   2. Cualificación alta nun examen ou avaliación.

      Ex: Ese rapaz é o que saca máis nota na clase.

      Sinónimos: puntuación.
6. s f

   Factura global ou detallada de gastos.

   Ex: O camareiro levoulles a nota inmediatamente.

7. [MÚS]
   1. s f

      Signo gráfico que serve para representar cada un dos sons dunha composición musical e a súa duración.

   2. s f

      Cada un dos sons dunha composición musical.

   3. nota discordante

      Nota que desentoa nun acorde ou nunha obra musical.

   4. nota falsa

      Nota equivocada producida por unha mala entoación ou un erro puntual dun intérprete dunha peza musical.

8. 1. s f

      Elemento que contrasta co resto do conxunto.

      Ex: A nota simbólica do acto chegou cando plantaron unha árbore na honra do falecido.

   2. nota discordante

      Elemento que rompe a harmonía dun grupo ou conxunto.

   3. nota dominante

      Elemento ou característica máis destacada de algo.

9. s f

   Fama, sona ou reputación.

   Ex: O meu veciño ten nota de lacazán no barrio.

10. s f [BIBLIOT]

    Comentario aclarador do contido dun documento que o catalogador pon na ficha principal a continuación da descrición bibliográfica.

11. s f [DER]

    Breve apuntamento, en dereito procesual, formado sobre os recursos de casación civil por infracción da lei.

12. s f [DER/HIST]

    Asentamento ou nótula, entre os s XIII e XVIII, máis ou menos abreviado, das actas e contratos autorizados polos notarios, que estes rexistraban nos libros notariais.

13. nota diplomática [DER]

    Comunicación diplomática asinada que os axentes acreditados tramitan aos gobernos.

14. nota verbal

    Comunicación diplomática, sen sinatura nin os requisitos formais, que a xeito de observación ou de recordo se dirixen entre eles os ministros de Asuntos Exteriores e os axentes acreditados.

15. notas da Igrexa [RELIX]

    Características que permiten discernir a verdadeira Igrexa fundada por Xesús Cristo, que son, tradicionalmente, a apostolicidade, a unidade, a santidade e a catolicidade.

Frases feitas

• Dar a nota. Destacar algo ou alguén por presentar un comportamento inadecuado.

• Tomar nota. Reter algo na memoria para telo en conta no futuro.