Nova Galicia

Semanario publicado en Bos Aires a partir do 6 de outubro de 1901. Editouse baixo os subtítulos “Decano de la prensa gallega y el más popular de América” e “Periódico Semanal de los Gallegos”, entre outros. Fundado e dirixido por Fortunato Cruces, realzou a cultura galega a través de artigos sobre a lingua, literatura, costumes, historia e música galegas e tamén tratou novas da actualidade de Galicia.