Núñez Castaño, Xosé

Impresor. Traballou en Santiago de Compostela entre 1836 e 1843. Tivo os obradoiros tipográficos na praza da Quintana, e a primeira impresión que del se coñece é Contestación (1836, como resposta ao Lic. D. Ramón María Godoy). Editou varios xornais, entre eles, o Semanario Instrutivo, elaborado polos irmáns Gil e que contou coas primeiras litografías que se fixeron en Galicia, Recreo Compostelano e Iris del bello sexo. O último libro do que hai noticias que imprimira é Observaciones sobre la doctrina de Macarel, relativa á la libertad de cultos (1843).

Cronoloxía