ombú

Árbore de ata 15 m de altura, con follas simples, alternas, pecioladas e ovais ou lanceoladas, flores dioicas de pequeno tamaño de cor branca ou verdosa agrupadas en acios e con froitos carnosos de cor purpúrea. Florece na primavera, entre marzo e abril. Cultívase como árbore ornamental. É orixinaria de Arxentina e en Galicia existen exemplares nalgúns parques e pazos.