Ourantes, San Xoán de

Igrexa parroquial situada en Punxín. Foi construída entre os ss XII e XIII, aínda que sufriu reformas no s XVIII. De estilo románico, ten unha soa nave e ábsida rectangular e no interior destaca o arco triunfal apuntado. A fachada principal, con influencias de transición ao gótico, remata cun Agnus Dei e ten portada de arco de medio punto rematado con tímpano liso. A torre é de estilo barroco, con dous corpos rectangulares.