pai

1. 1. s m

      Home que tivo un ou máis fillos. Na tradición oral recóllense ditos como: “A pai aforrador, fillo gastador. A pai avarento, fillo farrento. De pai santo, fillo diaño. Un pai mantén vinte fillos, e vinte fillos non manteñen un pai. Un pai para cen fillos e non cen fillos para un pai. O mal do pai co fillo vai. De pai coxo, fillo trenco. Fillo es e pai serás; como o fixeres, así o terás”.

   2. s m

      Home que exerce ou actúa como un pai natural sen selo.

   3. s m pl

      Conxunto formado polo pai e a nai.

   4. pai de familia

      Home que encabeza unha familia ou unha casa.

   5. pais políticos

      Pais do cónxuxe respecto a unha persoa.

2. s m

   Macho dos seres sexuados proxenitor dun ser da súa mesma especie.

3. 1. s m

      Home creador ou fundador dunha obra, actividade, ciencia ou arte.

   2. s m

      Fundador dunha estirpe ou dun pobo, sobre todo atribuído aos patriarcas e aos que deron nome a cidades.

   3. pai da patria [HIST]

      Título dado ao Emperador Augusto polo pobo e polo Senado e adoptado xeralmente polos seus sucesores.

4. s m [RELIX]

   Deus, en tanto que proxenitor e creador. No cristianismo é primeira persoa da Trindade, denominado tamén Deus Pai e Pai Eterno. OBS: Nesta acepción adoita escribirse en maiúscula.

5. pai de todos

   Dedo meirande da man.

Refráns

• De pai a pai pouco vai.
• Ergueuse meu paí e deitouse miña naL
• Non hai fillo coma seu pai nin pai coma seu avó.
• ¿Que diaño fixeches e de onde saíches que á túa nai non viches e pai non tiveches?