Pai de Migueliño, O

Curtametraxe dirixida en 1974 por Miguel Castelo e producida por Xosé Cabanas Cao, que se basea no conto de Castelao publicado en Cousas. A súa rodaxe prolongouse excepcionalmente por problemas financeiros, o que condicionou tamén a duración do filme. Concibida como un longo flash-back, o director cínguese a unha grande economía narrativa que se manifesta nunha planificación moi condensada das secuencias.