país

(< fr pays)

1. s m
  Territorio en que se asenta un estado independente e que constitúe unha unidade xeográfica e política concreta.
2. s m
  Grupo de persoas que forman unha unidade política.
3. país menos desenvolvido [ECON]
  País subdesenvolvido, segundo a ONU, de acordo con índices diversos como pobreza, fame, educación ou debilidades estruturais, que ten unha desvantaxe relativa para desenvolverse.
4. país recentemente industrializado [ECON]
  País en vías de desenvolvemento que se atopa no limiar da industrialización e mostra un gran dinamismo exportador de produtos manufacturados que fan a competencia aos dos países industriais. O seu desenvolvemento baséase nunha estratexia de fomento do investimento estranxeiro, nun axuste estrutural e na promoción das exportacións.
s m
1. Zona xeográfica máis ou menos delimitada e considerada sobre todo no seu aspecto físico. OBS: Emprégase frecuentemente a locución do país (queixo do país, viño do país).
2. Viño da terra.
  
  Ex: Entrou no bar e pediu un país.
s m
Lugar imaxinario.

Ex: Vive no país das ilusións.

Palabras veciñas