Palafolls

Municipio da provincia de Barcelona, Catalunya (5.917 h [2001]). Gran parte do territorio está cuberto de bosques e a agricultura baséase principalmente no regadío de hortalizas, patacas, leguminosas, árbores froiteiras e forraxe. Posúe industrias do sector químico, de materiais de construción, talleres mecánicos e carpintarías. O sector servizos ten certa importancia e as urbanizacións experimentaron un gran crecemento.