paleosolo

Solo antigo, que se desenvolveu durante un momento calquera da historia xeolóxica e que se conservou ata hoxe, ben como solo relito ou non enterrado, ou ben como solo fósil baixo sedimentos e series estratigráficas. Poden ser subaéreos ou subacuáticos. Os paleosolos estudados pola paleopedoloxía sinalan un momento histórico de instalación da vida, especialmente a vexetal, baixo condicións paleoclimáticas e paleoambientais, que poden ser deducidas do seu estudo.