Paolo di Dono

Pintor. Coñecido como Paolo Uccello, traballou no taller de Lorenzo Ghiberti, en Florencia e tamén en Venecia e Urbino. No fresco Monumento ecuestre a Giovanni Acuto (1436) deulle forma á súa teoría da perspectiva, empregando os volumes e a cor ao servizo da composición dun espazo figurado e non como representación da realidade. Combinou a tradición decorativa do gótico internacional e o compromiso científico do catrocentos. Pintou San Giorgio e il Drago (1440), Storie della Genesi, Storie di Noè e tres versións da Battaglia di San Romano (1456-1460).

Cronoloxía