Papel de Color

Folla de poesía publicada en Mondoñedo entre 1933 e 1935 (nº5). Subtitulouse “Oficina lírica do Leste galego” e estivo promovida por Álvaro Cunqueiro. Cunha tiraxe mínima, apenas 30 ou 40 exemplares distribuídos como agasallo, pretendeu dar a coñecer mostras da lírica da nova xeración. Impresa nun obradoiro de Ribadeo con follas de distintas cores, recolleu poesías de carácter tradicional de diferentes autores.