Pardo de Cela

Liñaxe de orixe galega que foi das máis ilustres e poderosas da súa época. Un dos seus primeiros membros foi Xoán Núñez Pardo de Cela o Vello, pai de Pedro Pardo de Cela. Un dos fillos deste último, un cabaleiro de apelido Pardo de Cela, deu lugar aos Pardo de Figueroa ao entroncar cos Figueroa. Trae como armas en escudo partido: primeira partición, en campo de azul, un veiro, de ouro, coas seis cruces, tamén de ouro e segunda partición en campo de goles, unha aguia de ouro. Outros traen, en campo de ouro, unha cabeza de mouro, ao natural, con turbante branco, atravesada por unha espada, de prata, situada en posición de banda, e nos cantóns da punta, dúas cotas de malla, de prata. E outros, en campo de azul, seis cruces, de ouro, colocadas en dous paus de tres cada un, acompañando a ambos os lados a un copón do mesmo metal, que remata nunha cruz.