parietal

Relativo ou pertencente á parede.

Manifestación artística executada sobre a parede. Aplícase especialmente á arte (pintura, gravados, etc) prehistórica que se desenvolveu en covas e en monumentos funerarios megalíticos.

Relativo ou pertencente á parede dunha cavidade ou órgano.

Óso par da bóveda cranial, de orixe membranosa. Encóntrase en todos os vertebrados, desde os peixes teleósteos, onde ocupa unha posición por diante do supraoccipital, ata no home, onde forma a parte media da bóveda, delimitado por diante polo frontal, por atrás polo occipital e lateralmente polos temporais. OBS: Tamén se denomina óso parietal.

Relativo ou pertencente ás parietais.

Planta da antiga orde das parietais.

Antiga orde das dicotiledóneas dialipétalas, integrada por plantas leñosas ou herbáceas, de follas normalmente simples, de flores actinomorfas ou cigomorfas, hermafroditas, poliandrias, diclamídeas e xeralmente pentámeras, e de froitos diversos. A maior parte das súas familias incluíronse na orde das violais.