Parisien libéré, Le

Diario fundado en París en 1944 por C. Bellanger e É. Amaury, que xurdiu dun grupo que traballara na Resistencia, e que rapidamente chegou a ser o primeiro diario da mañá pola súa tiraxe. A partir de 1974 a súa popularidade declinou, aínda que continuou a ser un dos medios de comunicación de referencia en Francia. Centrado na análise da realidade nacional e internacional, inclúe apartados referidos a política, deportes, sociedade e espectáculos.