paro

Acción de deter ou deterse.

Interrupción dos latexos do corazón por falta de actividade eléctrica efectiva para a contracción do músculo cardíaco. En moitos casos non representa máis ca o estado final dun proceso mórbido irreversible; outras veces, dáse en persoas aparentemente sans ou afectadas por enfermidades curables.

Desemprego producido por unha depresión económica que fai normal a situación de subocupación.

Inactividade forzosa debida á falta de traballo. Distínguese entre paro voluntario, cando o obreiro non acepta traballar por un salario considerado baixo ou nun lugar ou oficio inaceptables socialmente, e paro forzoso se non hai traballo. A finais do s XIX e comezos do s XX producíronse periodicamente aumentos no nivel de paro a causa das constantes crises industriais e agrícolas. Os grupos socialistas abordaron este problema nos parlamentos e achegaron as primeiras leis para solucionalo, pero foi coa gran crise da década de 1930, que provocou un grande aumento do desemprego, cando os economistas do mundo occidental, entre eles John M. Keynes e William H. Beveridge, lle dedicaron unha atención especial. A partir de 1973, converteuse nun problema fundamental, motivado en parte pola crise enerxética, que comezou a pechar empresas e a deixar xente sen traballo. Por sectores afecta en maior medida á industria, aos servizos e á construción e polo que respecta á poboacción incide máis aos que buscan a primeira ocupación e ás mulleres. Xeograficamente incide nas comarcas máis fortemente industrializadas. OBS: Tamén se denomina desemprego.

Desemprego crónico ligado a un período cíclico.

Forma de paro caracterizada pola existencia de ocupacións aparentes, que teñen unha remuneración e unha produtividade moi baixa ou case nula. É equivalente á locución inglesa concealed unemployment. As ocupacións domésticas son unha forma de paro encuberto.

Paro producido en épocas determinadas, en proporcións semellantes, nun mesmo sector, e ao que se chegou a causa dunhas condicións atmosféricas desfavorables, como a construción no inverno, ou por motivos climatolóxicos e xeográficos, como a industria hoteleira.

Desemprego motivado por unha escaseza de capital en comparación a unhas grandes dispoñibilidades de traballo ou por problemas de localización espacial. A consecuencia pricipal é que moitos dos traballadores necesitarán un readestramento para axustarse ás novas oportunidades de traballo.

Desemprego que afecta aos que non traballan por causa dun cambio de empresa, de domicilio, ou de oficio. Presuponse que o desempregado non atopará de forma inmediata un novo traballo. O paro fricional está causado polo funcionamento do sistema económico capitalista. John M. Keynes considerou que é o proceso necesario para a mobilidade do traballo.

Paro causado pola introdución de novas técnicas na produción, nas que se automatiza o proceso e teñen como consecuencia un nivel inferior de ocupación. É o caso da mecanización do traballo agrícola tradicional e da automatización.

Situación da persoa que non encontra traballo.

Conxunto de individuos que non encontran traballo.