Pasteur, Louis

Biólogo francés. Doutorado en Ciencias (1847), ensinou física e química en Dijon, Estrasburgo e Lille. En 1857 foi nomeado administrador da École Normale Supérieure. Estudou cientificamente a fabricación do viño e as doenzas do verme de seda. En 1873 comezou a investigar as enfermidades infecciosas humanas, especialmente a rabia. Rebateu a teoría da xeración espontánea e realizou estudos sobre a fermentación e as novas técnicas de conservación do leite (pasteurización). Desenvolveu as primeiras vacinacións antirrábicas e a súa teoría microbiana inspirou medidas de asepsia e antisepsia. O instituto que leva o seu nome conformouse como un centro de ensino, investigación e elaboración de soros e vacinas de utilidade mundial. A obra escrita por Pasteur foi recollida e publicada integramente polo seu neto Louis Pasteur Vallery-Radot, e apareceu en París co título de Oeuvres completes (1924-1939), en sete volumes.

Cronoloxía