pavillón

Tenda de campaña de forma cónica que está sostida interiormente por un pau cravado á terra con estacas e cordas.

Conxunto de pezas de tea suxeitas a un punto central, á maneira de tenda ou dosel, destinado a cubrir unha cama ou un altar.

Construción que se ergue por riba doutras contiguas, illada nun patio ou un xardín, e que depende a miúdo doutra máis grande.

Cada unha das construcións ou dos edificios que forman parte dun conxunto, como os dunha exposición, cidade universitaria, hospital ou prisión.

Cada unha das dependencias dun cuartel, onde se aloxan os xefes e oficiais.

Armamento exterior do escudo, xeralmente de cor púrpura, que consiste nunha especie de baldaquino que cobre os brasóns dos reis e príncipes soberanos.

Bandeira dun estado ou reino.

Expansión dilatada que se atopa no extremo dun conduto.

Expansión laminar ancheada de tecido fibro-cartilaxinoso onde desemboca o conduto auditivo externo e co que forma o oído externo.

Extremidade ovárica da trompa uterina que presenta forma de embude.