Pazó, San Martiño de

Igrexa situada en Allariz. Construída no s X, pertenceu a un mosteiro dúplice en tempos de san Rosendo. Da primitiva construción prerrománica mantén os muros laterais, o trazado e a proporción da nave. As portas laterais son de estilo mozárabe e están realizadas con arcos de ferradura enmarcados nun alfiz. A igrexa que se conserva data do s XVIII. Foi declarada BIC en 1931.