Peel Act

Lei de Robert Peel, aprobada polo Parlamento británico en 1844, con que quería enfrontarse á serie de crises periódicas e, sobre todo, ás frecuentes quebras bancarias. Consistía na reserva da emisión de billetes a un só banco e na cobertura íntegra das emisións por moeda metálica ou lingotes. O sistema perdurou substancialmente ata a Primeira Guerra Mundial. O segundo elemento da Peel Act equivaleu aos principios da Currency School.