Pérez Vilariño, Xosé

Sociólogo. Doutor en Ciencias Políticas e Socioloxía e catedrático de Socioloxía na Universidade de Santiago de Compostela. As súas investigacións centráronse na análise das organizacións complexas e a estrutura social de Galicia. Foi o primeiro presidente da Asociación Galega de Socioloxía, membro fundador e vicepresidente da Asociación Forestal de Galicia, da Unión de Silvicultores do Sur de Europa (USSE), do Instituto do Bosque Cultivado e da Conferencia Mundial de Propietarios Forestales. Autor, coordinador e editor de diversas obras como O factor relixioso na España actual: o cambio socio-relixioso como cambio político na España dos anos 70 (1974), Los periódicos ante las Autonomías (1982), Plan forestal de Galicia (1992), O Galego segundo a mocidade: unha achega ás actitudes e discursos sociais baseado en técnicas experimentais e cualitativas (2003) e Nuevos Modelos de Gestión Hospitalaria (2004).

Cronoloxía