Perrelos, pazo de

Construción situada en Castelo (Taboada). Ten planta en forma de L cun patio aberto con arcadas en dúas frontes de arcos e con corredor no primeiro andar ao que se accede por unha escaleira exterior. Ten balaústres e antepeito sobre o que descansan columnas cortas e cadradas. Desde a planta nobre accédese á tribuna da capela. Na parte posterior, entre os cubertos e a vivenda dos caseiros, atópase a torre de planta cadrada que puido pertencer, xunto a vivenda dos caseiros, a unha edificación anterior. Conta cunha fonte de granito que ten a data de 1788.