pesimismo

1. s m

   Propensión a ver e a xulgar as cousas no aspecto máis desfavorable.

2. s m [FILOS]

   Doutrina ou convicción filosófica segundo a que o mundo non é susceptible de perfeccionamento substancial de ningún tipo e a existencia humana carece de sentido fundamental. O pesimismo propiamente dito está presente, en maior ou menor grao, na base do nihilismo e en actitudes como a do escepticismo. Adóitase empregar o termo en referencia á corrente filosófica que conseguiu un particular auxe no s XIX con manifestacións cosmovisionais, como a de A. Schopenhauer, ou poéticas, presentes en G. Leopardi e Lord Byron.

Refráns

• Carta cabal, ou por ben ou por mal, nunca se viu tal.
• Non hai amigo nin irmán, se non hai diñeiro na mano
• Non hai amigo para amigo nin fillo para pai nin pai para fillo.
• Para que a alegría sexa maior, pensa primeiro o peor.