petición

1. s f

   1. Acción de pedir.

      Sinónimos: demanda, demanda.

   2. Cousa que se pide.

      Ex: Atenderon todas as súas peticións.

2. [DER]
   1. s f

      Solicitude ou instancia dirixida a un xuíz, tribunal ou autoridade que ten o poder de conceder aquilo que se pide.

   2. s f

      Cada unha das demandas contidas nunha solicitude.

   3. dereito de petición

      Liberdade pública, que consiste na facultade que ten cada persoa natural ou xurídica de dirixirse ás autoridades demandando a reparación dun dano ou prexuízo, a modificación ou o cumprimento dunha disposición legal e todo o que sexa de interese público ou privado. Teñen o dereito a empregalo todos os maiores de idade e as persoas xurídicas.

3. petición de principio [FILOS/MAT]

   Falacia do razoamento que consiste en tomar como premisas unha ou máis proposicións idénticas ou equivalentes á conclusión, ou ben que a requiren para ser demostradas.

Frases feitas

• A petición de loc prep Con motivo dunha solicitude feita por alguén. SIN: a instancia de, a pedimento de.