Planchon, Roger

Director, actor e autor dramático francés. En 1952 fundou en Lyon o Théâtre de la Comédie, que dirixiu ata 1957. En 1972, con R. Gilbert e P. Chéreau, tomou a dirección do Théâtre Nacional Populaire. Conseguiu un estilo persoal a partir das propostas de B. Brecht sobre o teatro épico, que amosou en Tartuffe, de Molière; e Bleu, blanc et rouge sobre texto propio. No apartado cinematográfico destaca a súa interpretación en Molière (1978); e como actor, guionista e director en Louis, enfant-roi (1993) e Toulouse-Lautrec (1998).

Cronoloxía